Castellano    English

• Harrera
• Egonaldia
• Bisitak
• Ebakuntzak
• Zainketa Bereziak
• Osasuna eta segurtasuna
• Alta
• Informazioa
• Eskubide eta erantzukizunak
• Datu Pertsonalen Babesa

Klinikara heltzean

Klinikara heltzean, atari nagusian, bi alde dituen mostradorea aurkituko duzu. Mostradorearen erdialdean izan ditzakezun zalantzak argituko dizkizun Informazio Zerbitzua dago.

Klinikara Larrialdi Zerbitzu baten bidez helduz gero eta ospitaleratzen bazaituzte, sarrera zerbitzu beretik egingo da.

Sarrera aurretiaz programatua badago, Harrera Zerbitzura joango zara zuzenean.

Harrera zerbitzua

Gelan sartzeko, atari nagusiaren eskumaldean dagoen igogailuaren alboko atea dago.

Zure identifikazio zuzena egin ahal izateko hurrengo agiriak eraman behar dituzu:

•   Nortasun Agiri Nazionala.
•   Zure medikuak emandako ingresuaren partea.
• Mutua edo Aseguru erakunde bateko kidea bazara, zure ingresua baimentzen duen bolantea eta aseguratuaren txartela ekarri beharko dituzu. IMQ-k bezeroarentzako arreta zerbitzua Klinikan bertan dauka, Harrera parean.

Itxaron gelan zain zauden bitartean inprimaki batzuk eman ahal dizkizugu zure afiliazio datuak ondo betetzen joan zaitezen. Garrantzitsua da datuak argi eta zehatz idaztea, ondo identifikatzeko.

Zure ingresua baieztatu ondoren, Harrerako langileek dagokizun logelara lagunduko zaituzte eta erizaintzako ekipoaren tutoretzapean geldituko zara.

Harrera Zerbitzuan eskumuturreko bat jarriko dizute zure izen-abizenekin eta ingresuaren datuekin. Hau ez duzu Zentrotik irten arte erantzi behar zure segurtasun klinikoa hobetzeko, horrela, zure identifikazioa bermatu ahal izango dugu momentu guztietan.